Servizo de Obradoiros
A Asociación AGORA conta cun Servizo de Obradoiros co fin de que as persoas usuarias, por unha banda, teñan unha actividade pre-laboral que potencie as súas capacidades e, por outra, ofertar alternativas de lecer.
A temporalidade dos Obradoiros pode variar sendo permanente durante todo o ano o Obradoiro de Mosaico, o Obradoiro de Manualidades, o Obradoiro de Costura, o Obradoiro de Cociña e outros estacionais como os Obradoiros para as Festas do ciclo do Entroido, para as Festas do ciclo do Samaín, para as Festas do ciclo do Nadal e Reis, Obradoiros para Decorar os Locais dos Centros, etc...,.
Os Obradoiros están dirixidos por persoal da Asociación.
Obxectivos Xerais:
- Mellorar a psicomotricidade fina.
- Mellorar a colaboración entre as persoas usuarias.
Obxectivos Específicos:
- Coñecer e manexar as técnicas do traballo cos diferentes utensilios en función da actividade escollida: proceso de elaboración, materiais e ferramentas, normas de seguridade.
- Experimentar a creatividade (expresión plástica, artística).
- Favorecer a autoestima e sentido do traballo.
- Adquirir valores de reciclaxe.
- Ofrecer alternativas de lecer.