A Asociación AGORA organiza unha Xornada de Portas Abertas o 27/09/2024

O próximo día 27 de setembro na Casa da Cultura do Concello de Monforte e, se o tempo acompaña na chaira da Praza de España, a Asociación AGORA imos organizar co apoio do Concello de Monforte unha Xornada de Portas Abertas na que temos previsto dar a coñecer as actividades e servizos que prestamos.

A xornada levarase a cabo de 11:30 horas a 13:30 horas e de 16:00 horas a 18:00 horas. Durante este tempo está previsto mostrar en diferentes casetas elaboradas de maneira artesanal polas persoas usuarias e co apio dos profesionais, algúns dos traballos que se realizan en talleres como mosaico, costura ou cociña entre outros. Tamén haberá un circuíto inclusivo no que a través de diferentes probas e xogos visibilizarase o día a día que viven as persoas con algún tipo de discapacidade. Preparamos unha chea de actividades para que todos e todas, desde os máis pequenos ata os máis maiores, poidades gozar.

Tamén haberá un posto sobre os recursos e servizos que presta a entidade, así como información sobre os dereitos e beneficios relacionados co certificado de discapacidade e a solicitude de dependencia.

As actividades finalizarán pola tarde coa clausúraa da xornada coa intervención dun representante do equipo técnico da entidade, o Presidente da Asociación AGORA e pechará o acto o Alcalde. Haberá un pequeno sorteo entre as persoas que participen na actividade.

A continuación, podedes ver algunhas imaxes das persoas usuarias da Asociación AGORA preparando o material que se mostrará nesta Xornada de Portas Abertas.