
A Asociación AGORA impulsa a renovación do equipamento informático e a creación de novos talleres no Centro de Atención Diurna neste ano 2026
23 de Marzo de 2026
¿Queres traballar connosco? Oferta de emprego do 21 de outubro do 2026 para Perfil de Psicólogo/a
21 de Outubro de 2026A Asociación AGORA para Persoas con Discapacidade de Monforte de Lemos incorpora un novo vehículo adaptado para mellorar o transporte e a autonomía das persoas con discapacidade no día a día.
A adquisición da nova Volkswagen Caddy Maxi 2.0 DSG permitirá mellorar a seguridade, accesibilidade e confortabilidade dos desprazamentos das persoas usuarias do Centro de Atención Diúrna e das Vivendas Tuteladas.
Co obxectivo de seguir mellorando a calidade dos seus programas e servizos, a Asociación AGORA de Persoas con Discapacidade da Comarca de Lemos incorporou un novo vehículo destinado ao transporte das persoas participantes nos seus recursos de Centro de Atención Diúrna e das Vivendas Tuteladas.
A nova adquisición trátase dunha Volkswagen Caddy Maxi 2.0 DSG, que pasa a formar parte dos recursos de transporte da entidade e permitirá dar resposta ás necesidades de mobilidade das persoas participantes, facilitando os seus desprazamentos e o acceso a actividades, servizos e recursos da comunidade. A adquisición do vehículo realizouse a través dun Centro Especial de Emprego CUALICAR, contribuíndo tamén, mediante a contratación realizada, ao apoio de iniciativas que favorecen a inclusión laboral das persoas con discapacidade.
A incorporación deste novo vehículo supón unha mellora das condicións de seguridade, accesibilidade e confortabilidade dos desprazamentos, ao tempo que contribúe a favorecer a autonomía e participación social das persoas con discapacidade. Así mesmo, facilita o labor dos profesionais responsables do acompañamento e transporte, permitindo prestar un servizo máis adecuado ás necesidades das persoas atendidas.
Para a execución destas melloras, a Asociación AGORA conta co financiamento procedente do 0,7 % do IRPF, a través das achegas realizadas polas persoas contribuíntes que marcaron a casilla 106 de Actividades de Interese Xeral consideradas de Interese Social, coñecida como X Solidaria, uns fondos xestionados pola Xunta de Galicia que permiten impulsar proxectos de mellora nas entidades do terceiro sector.
Con esta incorporación, AGORA continúa avanzando ná modernización dos seus medios e na adaptación dos seus servizos ás necesidades das persoas usuarias, reforzando o seu compromiso coa accesibilidade, a autonomía persoal, a inclusión social e a mellora da calidade de vida das persoas con discapacidade.
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
- Imaxe Novo Vehiculo Adaptado no 2026
Asociación AGORA
É unha entidade sen ánimo de lucro que xurde no ano 1992 coa misión de defender os dereitos das persoas con discapacidade da comarca de Lemos, para acadar unha plena participación na sociedade. Actualmente conta con 84 persoas asociadas e atende diariamente nos diferentes programas e servizos que desenvolve, a 32 persoas con discapacidade.














