Na Asociación AGORA renovamos o Equipamento Informático e o Mobiliario en 2023

Co fin de mellorar os nosos programas e servizos, a Asociación AGORA de Persoas con Discapacidade da Comarca de Lemos, ven de renovar o equipamento informático que emprega o equipo de profesionais nos eu traballo diario cas persoas usuarias, así como a adquisición de novo mobiliario. Tamén adquiriu equipamento dixital que permitirá explorar e experimentar con novas terapias que complementarán o traballo cas terapias tradicionais.

A entidade confirma a adquisición de varios ordenadores de sobremesa, 2 armarios para almacenaxe, unhas gafas de realidade virtual, unha pizarra dixital e unha vídeo consola, equipamento novidoso que permitirá promover novas metodoloxías de traballo na atención as persoas usuarias e novas terapias.

Para a adquisición deste equipamento, a Asociación AGORA contou co cofinanciamento da Xunta de Galicia a través dos fondos do 0,7% do IRPF que proveñen da casilla 106 de Actividades de Interese Xeral para Fins de Carácter Social, máis coñecida por X Solidaria e coa xestión de COGAMI.

Isaac Rodríguez González, Presidente da Asociación AGORA, indica que o uso das novas tecnoloxías aplicado as terapias en persoas con discapacidade permite experimentar novas formas de atención e participación social, facilitando o deseño de terapias que complementan e suman o traballo dos profesionais facilitando así novas formas de intervención tanto individual como grupal. E importante a contribución da sociedade marcando a casilla 106, que permite e facilita que as entidades poidan mellorar os seus programas e recursos.

Con este novo equipamento, poderanse traballar terapias específicas de xeito transversal nas áreas de psicoloxía, fisioterapia, terapia ocupacional, traballo social e logopedia. A través da realidade virtual se promoverá o adestramento das persoas en situacións cotiás o que lle permitirá ter unha maior autonomía e habilidades sociais.