A Asociación AGORA recibe unha subvención do Concello de Monforte de Lemos para o proxecto creARTE: espazos de potenciación

A entidade foi beneficiaria dunha subvención concedida polo Concello de Monforte de Lemos destinada a apoiar o desenvolvemento do proxecto creARTE: espazos de potenciación, unha iniciativa orientada a mellorar os recursos dispoñibles nos talleres e terapias dirixidos ás persoas con discapacidade que acoden aos nosos servizos e actividades. Grazas a esta achega económica, puidemos incorporar novo material para ampliar e reforzar as actividades que realizamos diariamente. Entre os recursos adquiridos destacan:

Material para talleres de manualidades, costura...

• Teas, fios, botóns, vinilos e outros materiais para costura.
• Puzzles e recursos de manualidades que fomentan a creatividade, a motricidade fina e a expresión artística.

Recursos de estimulación cognitiva.

• Aplicación NeuronUP, que permite traballar diferentes capacidades cognitivas.
• Libros de estimulación cognitiva, para reforzar memoria, atención e outras habilidades executivas.

Material para intervencións terapéuticas.

• Equipamento específico para fisioterapia, terapia ocupacional e logopedia, mellorando a calidade e variedade das sesións terapéuticas.

Material de xardinería

• Recursos para desenvolver actividades ao aire libre, promovendo o contacto coa natureza, o benestar emocional e a adquisición de habilidades prácticas.

Esta subvención representa un importante impulso para a mellora continua dos nosos espazos e programas, permitindo ofrecer intervencións máis completas, motivadoras e adaptadas ás necesidades das persoas usuarias.

A entidade quere expresar o seu agradecemento ao Concello de Monforte de Lemos polo seu apoio e compromiso coa inclusión social e co fortalecemento da nosa labor.